WATCH: Mag-ina, 1 pang kaanak patay sa sunog sa Tondo, Maynila

Tatlo ang patay sa sunog na naganap sa isang residential area sa Tondo, Maynila.

Nagsimula ang sunog pasado alas 6:00 ng umaga sa Honorio Lopez sa Gagalangin.

Umabot lang ng 2nd alarm ang sunog at naideklarang under control alas 6:46 ng umaga.

Pero tatlong katao ang natagpuang walang buhay sa bahay na pinagmulan ng sunog.

Ayon sa Manila Fire Bureau, nakilala ang mga nasawi na sina Mara Beneza, 23-anyos at anak nitong si Leo Lance Tequillo, 4-anyos at Andrei Tequillo, 5-anyos.

Kwento ng kaanak ng mga nasawi na si Michelle Bacanza, na-trap ang mga kamag-anak niya sa loob ng bahay sa kasagsagan ng sunog.

Aabot sa sampung bahay ang natupok.

Patuloy pa ang imbestigasyon sa kung ano ang pinagmulan ng apoy.