Antas ng tubig ng Angat dam umabot na sa halos 185-meter level

Sumampa na sa halos 185-meter ang antas ng tubig sa Angat dam.

Sa datos ng PAGASA Hydrology alas 6:00 ng umaga ng Martes, Sept. 11 ay nasa 184.93 meters na ang water level ng Angat dam.

Nadagdagan pa ito kumpara sa 184.58 meters kahapon (Sept. 10) ng umaga.

Wala namang pagbabago sa water level ng La Mesa dam na nasa 77.37 meters.

Habang nadagdagan naman ang water level ng Ipo dam na ngayon ay nasa 101.08 meters.

Nadagdagan din ang water level ng Ambuklao, San Roque, Pantabangan at Magat dams.

Habang nabawasan naman ang antas ng tubig sa Binga at Caliraya dams.