Hindi lang sa pelikula ang teamwork ng magkasintahan dahil maski sa tunay na buhay ay ginagawa nila ito.
Si Carla ang bumili ng lote para sa kanilang magiging bahay habang sagot ni Tom ang mga gastos sa pagpapatayo ng bahay.
Ayon sa aktres, ang dream house nila ni Tom ay contemporary at classic ang theme sa labas habang sa loob ay may pagka-American style.
Nais ng dalawa ang apat na kwarto, may sariling walk-in closet si Carla at workshop o opisina naman kay Tom.
Target nina Carla at Tom na simulan ang construction ng bahay sa susunod na taon o sa 2021.
Bagamat pinaghahandaan na ang kanilang bahay at napag-uusapan na nila ang kasal, wala pang eksaktong plano ang dalawa ukol sa kanilang pag-iisang dibdib.