Sa viva voce voting lumusot ang House Bill 4157.
Sa ilalim ng CITIRA, ibababa sa 20% ang corporate income tax ng mga kumpanya mula sa kasalukuyang 30%.
Sisimulan ang pagbabawas sa corporate income tax na 2% sa kada dalawang simula January 2021 hanggang sa tuluyang umabot sa 20% ang pagbaba sa corporate income tax sa taong 2029.
Ipapatupad din ang rationalization ng mga fiscal incentives na ibinibigay sa mga negosyo na nais gawing performance-based, targeted, time-boound at transparent.
Sa inaprubahang panukala ang mga negosyo sa Metro Manila ay magkamaroon ng tatlong taong income tax holiday (ITH) at karagdagang dalawang taong incentives.
Ang mga negosyo naman na nasa labas ng Metro Manila ay magkakaroon ng apat na taong ITH at karagdagang tatlong taong tax exemptions.
Ang mga negosyo naman sa mga rehiyon na malayo sa Metro Manila ay bibigyan ng anim na taong ITH at apat na karagdagang tax perks.
Tiinitiyak naman ni Albay Rep. Joey Salceda, chairman ng House Appropriations Committee na ang insentibo ay ibibigay sa mga karapat-dapat na negosyo at sa mga nagsisimula pa lamang na lumagong negosyo.
Layunin din ayon kay Salceda ng pagbababa sa corporate income tax na makapanghikayat din ng mga mamumuhunan na magiging daan din para sa dagdag na trabaho sa mga Pilipino.
Ang CITIRA o dating TRABAHO Bill at lumysot sa ikatlo at huling pagbasa noong 17th Congress pero hindi na umusad sa Senado.