Antas ng tubig sa Angat dam sumampa na sa 184-meter level

Umabot na sa 184-meter level ang antas ng tubig sa Angat dam.

Sa nakalipas na 24 oras ay nadagdagan ng halos isang metro ang water level ng Angat dam.

Ayon PAGASA Hydrology, alas 6:00 ng umaga ngayong Martes, Sept. 10 ay nasa 184.58 meters ang water level ng Angat.

Ang Ipo dam naman ay nadagdagan din ang water level na nasa 101.01 meters habang ang La Mesa dam naman ay nasa 77.37 meters.

Samantala, nadagdagan din ang antas ng tubig sa Binga, San Roque, Pantabangan , at Magat dams.

Habang nabawasan naman ang water level ng Ambuklao at Caliraya dams.