M4.7 na lindol yumanig sa Oriental Mindoro

Niyanig ng magnitude 4.7 na lindol ang bahagi ng Oriental Mindoro ala-1:17 Martes ng madaling araw.

Ayon sa Phivolcs, ang episentro ng lindol ay sa layong siyam na kilometro Hilagang-Kanluran ng Puerto Galera.

May lalim ang pagyanig na 183 kilometro at tectonic ang pinagmulan.

Instrumental Intensity I ang naitala sa Puerto Galera, Oriental Mindoro; Quezon City; at Bacoor, Cavite.

Hindi naman inaasahang nagdulot ng pinsala sa ari-arian ang lindol at wala ring inaasahang aftershocks.