MRT-3 nag-resume na ng partial operations; buong serbisyo target maibaik bago mag-alas 5:00 ng hapon

(UPDATE) Ilang oras pang hindi magagamit ng mga pasahero ang buong linya ng MRT-3 matapos makita ang naputol na bahagi ng catenary cable sa Guadalupe Station.

Sa update mula sa pamunuan ng MRT-3, maaring alas 9:45 ng umaga nang mag-resume ang partial operations ng tren.

May biyahe na mula North Avenue Station hanggang Shaw Boulevard Station at pabalik.

Samantala, maari namang bago mag-alas 5:00 ng hapon target maibalik ang buong serbisyo ng MRT-3.

Para matulungan ang mga pasahero, nagtalaga ng dagdag na mga bus ang DOTr Railways Sector, i-ACT, MMDA, at LTFRB.