1,914 na napalayang convicts isasailalim sa immigration lookout bulletin

By: Dona Dominguez-Cargullo - 5 years ago

Isasailalim sa lookout bulletin ng Bureau of Immigration (BI) ang halos 2,000 mga bilanggong napalaya sa ilalim ng Good Conduct Time Allowance law.

Ayon kay Justice Sec. Menardo Guevarra, nakuha na ng DOJ ang listahan ng mga pangalan ng 1,914 na nahatulan sa karumal-dumal na krimen at nakalaya.

Magpapalabas aniya ang DOJ ng immigration lookout bulletin (ILBO) laban sa mga ito.

Ito ay upang mabantayan ang kanilang pagbiyahe sa loob at labas ng bansa.

Kinumpirma naman ni Guevarra na mayroong 10 nang napalaya ang sumuko na matapos ipanawagan ni Pangulong Rodrigo Duterte ang pagsuko nila sa mga otoridad at kung hindi ay ituturing na silang mga pugante.