San Juan City Govt., nanawagan sa mga residenteng may nakatenggang lote

Nanawagan ang pamahalaang lungsod ng San Juan sa mga mga residente na mayroong pag-aaring bakanteng lote.

Ayon sa San Juan City government, ang nasabing mga bakanteng lote ay maaring i-convert bilang parking facilities.

Ito ay sa ilalim ng programa ng City Government ng San Juan na layong gawing paradahan ng mga sasakyan ang mga pribadong lote na nakatengga lang naman.

Sa halip na nakatiwangwang lang ang mga lote ay maari pa itong pagkakitaan kapag nagamit na bilang parking area.

Pinapayuhan ng City Government ang mga residente na interesado sa programa na makipag-ugnayan sa Office of the City Administrator.