Antique niyanig ng M3.7 na lindol; Intensity IV naitala sa bayan ng Valderrama

Niyanig ng magnitude 3.7 na lindol ang bayan ng Valderrama sa lalawigan ng Antique.

Naitala ng Phivolcs ang pagyanig sa layong 18 kilometers northeast ng Valderrama, alas 5:14 ng umaga ng Huwebes, Sept. 5.

Ayon sa Phivolcs, 17 kilometers ang lalim ng lindol at tectonic ang origin nito.

Naitala naman ang sumusunod na intensities:

Intensity IV: Valderrama, Antique
Intensity III: Tapaz, Capiz
Intensity II: Bago City, Negros Occidental
Intensity I: Malinao, Aklan; San Jose City at Sebaste, Antique; at sa Jamindan, Capiz

Ayon sa Phivolcs hindi naman inaasahang magdudulot ng pinsala ang naturang lindol.