India, niyanig ng magnitude 6.8 na lindol

Niyanig ng magnitude 6.8 na lindol ang Imphal sa India.

Ang pagyanig ay naitala sa northeast India malapit sa Myanmar at Bangladesh border.

Naganap ang lindol alas 4:35 ng umaga sa India, at alas 7:05 naman ng umaga oras dito sa Pilipinas.

Sa datos ng US Geological Survey (USGS), may lalim na 57 kilometers ang lindol.

Nai-rekord ang epicenter ng lindol sa 33 kilometers west-northwest ng Imphal City na capital ng Manipur, India.

Pinapayuhan ang mga residente na maging maingat sa mga magaganap na aftershocks.