14 arestado sa pagsalakay ng PDEA sa 2 drug den sa Maynila

Arestado ang 14 na katao sa pagsalakay ng mga ahente ng Philippine Drug Enforcement Agency (PDEA) sa dalawang drug den sa Barangay 432 sa Sampaloc, Manila Miyerkules ng hapon.

Umabot ng 45 na gramo ng shabu ang nasamsam ng mga tauhan ng PDEA na nagkahalaga ng P306,000.

Maliban sa droga, narekober din ng mga otoridad ang iba’t ibang klase ng drug paraphernalia.

Pinangunahan ng PDEA National Capital Region kasama ang Manila Police ang nasabing operasyon.

Nahaharap ang 14 na mga drug suspek sa kasong paglabag sa Republic Act 9165 o Comprehensive  Dangerous Drugs Act of 2002.