Aktibong pulis arestado sa buy-bust operation sa Muntinlupa City

Inaresto ng mga tauhan ng PNP-Integrity Monitoring and Enforcement Group ang isang aktibong pulis dahil sa pagtutulak ng bawal na gamot.

Ang hinihinalang tulak na police ay si Patrolman Leo Valdez, na nasabat sa buy-bust operation sa PNR site, Marquez Compound, Brgy. Putatan, Muntinlupa City kung saan nakuhanan siya ng isang pakete ng hinihinalang shabu.

Sinabi ni Police Col. Romeo Caramat, hepe ng PNP-IMEG, matagal na nilang sinusubaybayan ang aktibidad na kinasasangkutan ng aktibong pulis.

Si Valdez ay naging pulis noong 2007 pero nag-AWOL noong 2014 at nakabalik sa serbisyo noong 2017 at kasalukuyang nakatalaga sa National Operations Center sa Camp Crame.

Nahaharap sa patong na patong na kaso ang naarestong pulis.