P800K halaga ng shabu nakumpiska sa Bacolod City

Arestado ang dalawang hinihinalang tulak ng ilegal na droga sa ikinasang operasyon sa Bacolod City.

Isinilbi ng mga tauhan ng Philippine Drug Enforcement Agency (PDEA) Special Enforcement Team ang search warrant laban sa mga suspek sa Gold Crest Subdivision, Brgy. Bata Martes, Sept. 3 ng umaga.

Nadakip ang dalawang target na sina Randy Hamantoc alyas “Bulljack” at Duckin Hamantoc.

Nakumpiska sa kanila ang tinatayang 120 gramo ng hinihinalang shabu na nagkakahalaga ng P816,000.

Mahaharap ang dalawa sa kasong paglabag sa Section 11, Article II ng Republic Act 9165 o Comprehensive Dangerous Drugs Act of 2002.