Kaso ng Leptospirosis bahagyang bumaba ayon sa DOH

Bumaba ang bilang ng naitalang kaso ng sakit na Leptospirosis sa bansa ngayong taong 2019, ayon sa Department of Health (DOH).

Sa tala ng kagawaran, umabot sa kabuuang 1,181 ang kaso ng nasabing sakit mula January 1 hanggang August 17, 2019.

Mas mababa ito kumpara sa naitalang 2,229 na kaso sa kaparehong petsa noong nakaraang taon.

Gayunman, sa isang panayam, inihayag ni Health Secretary Francisco Duque III na hindi dapat maging kampante.

Dapat pa rin aniyang maging maingat ang publiko laban sa nasabing sakit.