Abogado nakaligtas sa pananambang sa labas ng Cebu City hall of Justice

Nakaligtas ang isang abogado makaraang pagbabarilin sa labas ng Cebu City Hall of Justice umaga ng Lunes (September 2).

Nangyari ang pananambang kay Atty. Inocencio dela Cerna sa Qimonda IT Center na nasa North Reclamation Area dakong 9:00 ng umaga.

Nabatid na kagagaling lamang ni dela Cerna sa isang pagdinig nang pagbabarilin ang kanyang sasakyan.

Nakuha pa ng abogado na magmaneho at magtungo sa Waterfront Police Station.