Pangungunahan ni Chief Justice Maria Lourdes Sereno, chairman ng Judicial and Bar Council o JBC, sa January 7 at 8 ang public interviews sa labinganim na kinukunsidera para maging bagong Associate Justice ng Supreme Court, kapalit ng outgoing na Mahistrado na si Martin Villarama Jr. na magreretiro sa January 16.
Nauna nang sinabi ni Villarama na nais na niyang magretiro na mas maaga dahil sa ‘deteriorating health’.
Sa January 12 naman, inaasahang itutuloy ng En Banc ng Kataas-taasang Hukuman ang deliberasyon nito sa constitutional question laban sa Enhance Defense Cooperation Agreement o EDCA sa pagitan ng Pilipinas at Amerika.
Sa January 19, itinakda ng Korte Suprema ang oral arguments ukol sa disqualification cases na inihain laban kay Presidential aspirant at Senadora Grace Poe.
Kabilang sa isasalang sa oral arguments ay ang plea na inihain ni Rizalito David, na humihirit na irekunsidera ang pasya ng Senate Electoral Tribunal o SET na nagbasura sa nauna niyang petisyon.