BuCor chief Faeldon, hindi makadadalo sa pagdinig ng Senado ukol sa isyu ng paglaya ni dating Mayor Sanchez

Hindi makadadalo si Bureau of Corrections Chief Nicanor Faeldon sa pagdinig ng Senado, araw ng Lunes (September 2).

Ito ay dahil sa sinasabing pagpapalaya kay dating Calauan, Laguna Mayor Antonio Sanchez sa New Bilibid Prison.

May nakatakda kasi umanong daluhan na seminar si Faeldon sa Canadian Embassy.

Una nang nagpadala ng subpoena ang Senate Blue Ribbon committee kay Faeldon para maobliga siyang dumalo sa naturang pagdinig.

Kinumpirma rin ni Senate President Vicente Sotto III na lumagda siya, araw ng Sabado, ng subpoena na nag-aatas kay Faeldon na humarap sa imbestigasyon ng Senado.