LOOK: Mga SK official mula sa higit 800 barangay sa Maynila, nagtulung-tulong sa ikinasang cleanup drive

Nagtulung-tulong ang mahigit 800 barangay para sa ikinasang clean-up campaign sa Lungsod ng Maynila, araw ng Linggo (September 1, 2019).

Sa larawan mula sa Manila Public Information Office (PIO), makikita ang pagwawalis, pagtatapon nang maayos ng mga basura at pagbobomba ng tubig sa mga kalsada ng ilang opisyal ng Sangguniang Kabataan.

Pinangunahan ng mga opisyal ng SK mula sa kabuuang 896 na barangay ang paglilinis sa kani-kanilang lugar.

Ayon kay Alex Layos, hepe ng Manila Youth Bureau, ito ang nakikita nilang magandang paraan para simulan ang ‘ber’ months.

Maliban sa mga SK official, nakiisa rin ang ilang kabataan sa aktibidad.