Ayon kay PhilHealth Vice President for Legal Atty. Jojo del Rosario, matatagpuan sa Region 12 ang hindi pinangalanang mga ospital na sumasailalim na ngayon sa imbestigasyon ng National Bureau of Investigation (NBI).
Aabot anya sa bilyun-bilyong pisong halaga ang fraudulent claims ng tatlong level 2 hospital.
Sa ngayon, sinabi ni del Rosario na aabot na sa 23,000 na health facilities, hospitals, dialysis centers at iba pa ang iniimbestigahan ng PhilHealth kung saan 4,000 sa mga ito ang kinakitaan ng ebidensya upang sampahan ng kaso.
Samantala, pinagbabayad na rin ng PhilHealth ng multa ang Wellmed Dialysis Center.
Kabilang dito ang P3.3 million, P1.9 million at pagsingil sa lahat ng fraudulent claims sa PhilHealth.