Pagkakalaya ng 4 Chinese drug lords, kinumpimra ng BI

Kinumpirma ng Bureau of Immigration (BI) ang pagkakalaya ng apat na convicted Chinese drug lords sa New Bilibid Prisons.

Unang sinabi ni Senador Panfilo “Ping” Lacson ang pagkakalaya ng apat dahil sa good conduct time allowance (GCTA) noong buwan ng Hunyo.

Ayon kay BI Deputy Spokesman Melvin Mabulac, inilipat na sina Chan Chit Yue, Kin San Ho, Ching Che, at Wu Hing Sum sa BI Warden’s Facility sa Camp Bagong Diwa sa Taguig City.

Unang nakulong ang apat sa Maximum Security Compound ng New Bilibid Prisons (NBP).

Ani Mabulac, agad maiimplenta ang napirmahang deportation order oras na mabuo ang mga dokumento.

Ginagawa lamang aniya ng BI ang kanilang ‘ministerial function’ para i-deport ang mga dayuhan na nakakumpleto na ng kanilang sentensya.