Timbog ang isang lalaking umano’y tulak ng droga sa Malate, Manila matapos ang ikinasang buy-bust operation ng Manila police.
Nakilala ang suspek na si Christian Basco Jose, 37-anyos, at residente ng 2391 B. Arellano, Singalong, Malate, Manila.
Nakuha sa suspek ang limang pirasong sachet na hinihinalang droga at perang P200.00.
Napag-alaman na kasama sa drug watch list ng Manila police ang suspek.
Ang nasabing operasyon ay ginawa bandang alas-12:20, Miyerkules ng madaling araw, Aug. 28, na pinangunahan ni PCPT. Gil John Lobaton ng Malate Police Station 9, Chief Station Drug Enforcement Unit.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng suspek.
READ NEXT
Curriculum para sa advanced energy at green building technologies sa mga undergraduate at graduate levels, batas na
MOST READ
LATEST STORIES