NDRRMC nagtaas ng alert status para sa Bagyong Jenny

Nagtaas ng alert status ang National Disaster Risk Reduction and Management Council (NDRRMC) araw ng Martes para sa Bagyong Jenny.

Mula white alert status ay itinaas ito ng NDRRMC sa blue alert status bilang monitoring ng epekto ng bagyo.

Nakatutok din NDRRMC sa pagpapatupad ng koordinasyon para sa hakbang ng iba pang ahensya ng gobyerno.

Araw ng Martes ay nag-convene ang Pre-Disaster Assessment Core Group at tinalakay ang planong aksyon para sa posibleng mga epekto ng bagyo.

Una nang tiniyak ng NDRRMC sa publiko na may nakatalaga silang mga tauhan sa mga lugar na daranaan ng Bagyong Jenny.