6 anyos na batang lalaki patay matapos masagaan sa Maynila

Dead-on-arrival nang itakbo sa ospital ang anim na taong gulang na lalaki matapos masagasaan sa Ermita, Maynila Lunes ng umaga.

Base sa impormasyon ng Manila Police District (MPD), nasagasaan ang biktimang si Kyle Carlo ng Toyota Innova sa bahagi ng Roxas Boulevard bandang 9:50 ng umaga.

Nakilala naman ang drayber ng sasakyan na si Benito Lim.

Dinala pa ang biktima sa Ospital ng Maynila ngunit nasawi rin kalaunan.

Mahaharap naman si Lim sa kasong reckless imprudence resulting in homicide.