Most Wanted Suspects na magkakapatid, arestado sa Batangas

Timbog ang tatlong magkakapatid na mahigit isang dekada ng pinaghahanap ng pulisya sa lalawigan ng Batangas.   Nakilala ang tatlong suspek na sina Roni, Juanito, at Angelito Armamento na mga magsasaka mula sa Mulanay, Quezon.   Naaresto ang tatlo sa bisa ng warrant of arrest para sa kasong murder na inilabas ng korte sa Lobo, Batangas.   Ayon sa pulisya, ang tatlo umano ang nasa likod ng pagpatay kay Antonio Dalisay noong 2007.   Nag-ugat umano ang krimen dahil sa away sa lupa sa pagitan ng magkakapatid at ng biktima.