Higit 20 pamilya sa isang barangay sa Zamboanga City apektado ng baha

Mahigit 20 na pamilya ang apektado ng pagbaha sa lungsod ng Zamboanga dulot ng masamang lagay ng panahon.

Kinumpirma ni Barangay 44 Captain Elmer Lorenzo na ilang kabahayan ang apektado ng baha.

Aniya nagbigay na siya ng abiso sa mga residente sa barangay tungkol sa posibleng pagbaha dahil sa malakas na buhos ng ulan.

Ikinadismaya ni Lorenzo na may mga tao na matigas ang ulo at tumatawid sa ilog ng kanilang barangay kahit ipinagbawal niya ito.

Pahayag ni Lorenzo, biglang tumaas ang tubig sa ilog dahil sa walang humpay na pagbuhos ng ulan.