Scarlett Johansson highest paid actress ayon sa Forbes magazine

Nangunguna si Scarlett Johansson sa world’s highest paid actress ayon sa Forbes magazine.

Sa Forbes’ annual ranking, kumita ang 34-year old actress ng kabuuang $56-milyon sa nakalipas na taon.

Ito na ang ikalawang taon na nanguna si Johansson sa listahan kung saan nadagdagan pa ang kanyang kita ng $15.5-milyon kumpara noong 2018.

Ayon sa ulat, para sa pelikulang “Avengers: Endgame” kung saan ginampanan niya si Black Widow ay kumita si Johansson ng $35-milyon.

Nasa ikalawang pwesto naman si Sofia Vergara na may kabuuang kita na aabot sa $44.1-milyon base sa kinita nito mula June 1, 2018 hanggang June 1, 2019.

Kasunod ni Vergara sa ikatlong pwesto si Reese Witherspoon ($35M) at si Nicole Kidman ($34M).

Narito ang listahan ng Top 10 :

1. Scarlett Johansson ($56 million)
2. Sofia Vergara ($44.1 million)
3. Reese Witherspoon ($35 million)
4. Nicole Kidman ($34 million)
5. Jennifer Aniston ($28 million)
6. Kaley Cuoco ($25 million)
7. Elisabeth Moss ($24 million)
8. Margot Robbie ($23.5 million)
9. Charlize Theron ($23 million)
10. Ellen Pompeo ($22 million)