Sunog sumiklab sa residential area sa Pasig at Malabon

Tinupok ng apoy ang isang residential area sa bahagi ng Pasig City, Huwebes (Aug. 22) ng gabi.

Nagsimula ang sunog alas 8:30 ng gabi sa bahagi ng Kenneth Road sa Brgy. Pinagbuhatan.

Makalipas ang ilang minuto ay itinaas sa 2nd alarm ang sunog.

Agad namang nakaresponde ang mga tauhan ng Bureau of Fire Protection at naideklarang fire out na ang sunog alas 9:27 ng gabi.

Samantala, may naganap ding sunog sa isang residential area sa Tugatog, Malabon, ngayong umaga (Biyernes, Aug. 23).

Tinupok ng apoy ang isang bahay sa bahagi ng Libertad Street.

Nagsimula ang sunog pasado allas 4:00 ng madaling araw na umabot lang sa 1st alarm.

Agad din namang naapula ang apoy makalipas ang ilang minuto.