Sa ulat ng National Capital Region Police Office (NCRPO), nagsagawa ng operasyon ang kanilang Regional Special Operations Unit (RSOU) sa isang bahay sa East Fairview Subdivision.
Dito nahuli ang mga suspek na sina Emmanuel Delos Santos, Rowena Doctor, Rhodora Gado, Zenaida Hate, Vilma Moreno, Edgar Tadili at Mark Emmanuel Torres.
Isinailalim sa surveillance ang mga suspek matapos i-report ng ilang residente sa subdivision ang ilegal na aktibidad sa lugar.
Nakuha sa mga suspek ang ilang resibo, koleksyong pera na aabot sa P4,045 at ilang gamit sa ilegal na aktibidad.
Mahaharap ang mga suspek sa kasong paglabag sa Presidential Decree 1603 sa Republic Act no. 9287 o “An Act to Increase Penalties Against Illegal Numbers Games.”