Wao, Lanao Del Sur niyanig ng malalakas na lindol

Dalawang beses na niyanig ng malakas na lindol ang lalawigan ng Lanao Del Sur.

Sa datos ng Phivolcs, unang naitala ang magnitude 4.1 na lindol sa 3 kilometers Northeast ng bayan ng Wao, alas-12:36 Huwebes ng tanghali (August 22) at may lalim na 2 kilometers.

Sumunod naman na naitala ang magnitude 3.9 na lindol sa 3 kilometers Northwest ng bayan pa rin ng Wao, alas-12:42 ng tanghali at may lalim na 1 kilometer.

Dahil dito, naramdaman ang intensity 2 sa Kalilangan, Bukidnon habang instrumental intensity 1 naman sa Cagayan de
Oro City.

Tectonic ang origin ng dalawang pagyanig.

Gayunman, walang napaulat na pinsala sa mga ari-arian sa lugar at wala ring inaasahang aftershocks matapos ang pagyanig.