CHR sa mga Pinoy: Labanan ang pang-aabuso

Hinikayat ng Commission on Human Rights (CHR) ang mga Filipino na magsalita para labanan ang mga pang-aabuso.

Ito ay kasabay ng paggunita ng ika-36 taong kamatayan ni dating Sen. Benigno “Ninoy” Aquino Jr.

Sa inilabas na pahayag sa kanilang Facebook page, dapat alalahanin ang naging sakripisyo ni Aquino para makamit ang kalayaan at demokrasya sa bansa.

Dapat ding anilang igiit ang karapatan at ipagtanggol ang mga naaapi.

Ibinahagi rin ni CHR ang naging pahayag ni Aquino na dapat magsilbi nang buo ang puso at loob para sa bayan.