3 patay sa aksidente sa Negros Occidental

Tatlong miyembro ng isang mag-anak ang nasawi makaraang mahulog ang sinasakyan nilang truck sa bangin sa San Carlos, Negros Occidental.

Nasa 20 pasahero naman ng truck ang nasugatan at dinala sa ospital.

Nasawi ang magkaka mag-anak na sina Jenalyn Capriano, Maricel Lobrido at Haydee Lobrido.

Lumabas sa imbestigasyon na nawalan ng preno ang truck sa Barangay Codcod.

Dahil dito ay nawalan ng kontrol ang driver sa truck kaya napunta ang sasakyan sa gilid ng kalsada at bumulusok sa bangin.

Nasa kustodiya na ng pulisya ang truck driver.