Ang hamon ay kasunod ng akusasyon ni DPWH Central Office Consultant Francis Nunez na may nagaganap na blacksand mining sa lugar at kumikita ng 50-milyong dolyares ang POIE sa bawat shipment nito.
Iginiit naman ng abogadi ng Pacific Offshore Inc o POIE si Atty. Dominador Say na walang magaganap na “blacksand
mining” sa isasagawang nilang pagpapalalim at de-clogging ng bukana ng Cagayan River para sa pagbuhay muli ng Port of Aparri.
Katunayan, mismong ang Mines and Geosciences Bureau o MGB ang na-isyu ng sertipakasyon na mababa o walang commercial value ang magnetite ore sa bahagi ng ilog Cagayan.
Malinaw din na pagpapalalim at paglilinis lamang ang sadya ng proyekto para maisakatuparan ang pinaka pangunahing plano na buhayin ang Port of Aparri.
Dagdag pa ng abogado, kumpleto sila ng permit at requirements at pawang exploratory at testing activities pa lamang ang nagaganap na siyang hinihingi para makapagsimula na sila sa paglilinis ng Bukana at kalaunan ay mabuksan muli ang Port of Aparri.
Una rito ay binigyan ng otoridad ng Sangguniang Panlalawigan si Gov. Mamba na pumasok sa kasunduan sa POIE para i-dredge ang Cagayan River at mismong ang Provincial Board ang pumili sa nasabing kumpanya at hindi ang Gobernador.