Davao Occidental at Surigao del Sur, niyanig ng lindol

Naitala ang mga pagyanig sa Davao Occidental at Surigao del Sur Miyerkules ng gabi.

Ayon sa Phivolcs, alas-10:43 ng gabi niyanig ng magnitude 3.6 na lindol sa layong 187 kilometro Timog-Silangan ng bayan ng Sarangani sa Davao Occidental.

May lalim ang pagyanig na 158 kilometro.

Alas-11:50 naman nang tumama ang magnitude 3.2 na lindol sa layong limang kilometro Timog-Silangan ng bayan ng Cantilan sa Surigao del Sur.

May lalim naman ang pagyanig na isang kilometro.

Tectonic ang pinagmulan ng mga lindol at hindi naman nagdulot ng pinsala sa mga ari-arian.

Hindi rin inaasahan ang aftershocks ayon sa Phivolcs.