‘Hello, Love, Goodbye’ patuloy sa pagtabo sa takilya

Patuloy ang pagtabo sa takilya ng pelikulang “Hello, Love, Goodbye” nina Alden Richards at Kathryn Bernardo.

Ayon sa Star Cinema, film production ng ABS-CBN network, umabot na ang kita nito sa mahigit P505 million hanggang Lunes ng hapon.

Mahigit dalawang linggo nang pinapalabas sa mga sinehan ang nasabing romantic film.

Ang Kathryn-Alden movie ay sa ilalim ng direksyon ni Cathy Garcia-Molina.

Ito ang unang pagkakataon na nagtambal sina Kathryn at Alden na mula sa magkahiwalay na TV networks.