Sa kanyang mensahe para sa pagdiriwang ng Eid’l Adha o Feast of Sacrifice, hiling ni Legarda ang tunay at pangmatagalang kapayapaan at seguridad hindi lamang sa rehiyon kundi sa buong bansa.
Ang layunin aniya ng batas ay maghatid ng mas magandang social at economic opportunities sa mga Muslim.
Hinimok rin ni Legarda ang lahat na pagnilayan ang kahulugan ng pagdiriwang ngayong araw anuman ang relihiyon at paniniwala.
Isa ang mambabatas sa co-authors ng Republic Act 9849 na nagdedeklara sa Eid’l Adha bilang isang national holiday.
Ginugunita rito ang pagsasakripisyo ni propeta Ibrahim sa kanyang sariling anak na maituturing na matinding debosyon kay Allah.