LRT Line 1, nagkaaberya dahil sa kakulangan ng suplay ng kuryente

Itinaas ang code RED alert status sa North at South bound ng Light Rail Transit Line 1.

Nagkaaberya kasi ang LRT-1 kaninang alas 5:00 ng umaga, December 29.

Ayon sa mga guwardya sa LRT-Monumento station, kakulangan ng suplay sa kuryente ang problema kaya walang tren na bumibiyahe mula Roosevelt station patungo Baclaran at pabalik.

Dahil dito, tumambak ang pila ng mga pasahero sa Monumento at iba pang istasyon ng LRT.

Pero bago mag alas siyete ng umaga, bumalik na ang suplay ng kuryente kaya’t balik na rin ang operasyon ng LRT Line 1.