1st alarm itinaas na sa Marikina River; antas ng tubig umabot na sa 15 meters

Itinaas na ang first alarm sa Marikina River.

Ito ay bunsod ng patuloy na pagtaas ng water level sa Marikina River dahil sa nararanasang pag-ulan.

Ayon sa Marikina City Rescue, alas 3:00 ng hapon, umabot na sa 15 – meters ang water level sa ilog.

Sa ilalim ng 1st alarm ay inaalerto at pinaghahanda para sa posibleng paglikas ang mga residente sa mabababang lugar.

Pinatunog na rin ng isang minuto ang alarma sa Marikina River upang maalerto ang mga residente.