Yellow warning nakataas pa rin sa Bataan, Bulacan at Pampanga

Nananatiling nakataas ang heavy rainfall warning sa ilang lalawigan sa Central Luzon.

Alas 11:00 ng umaga, yellow warning level ang umiiral sa Bataan, Bulacan at Pampanga,

Ayon sa PAGASA malakas at tuluy-tuloy na pag-ulan ang nararanasan sa nasabing mga lalawigan.

Samantala, mahina hanggang katamtamang pag-ulan naman ang aasahan sa susunod na tatlong oras sa Metro Manila at Tarlac.

Ganito rin ang lagay ng panahon sa Real, Quezon; Cavite, Zambales, Nueva Ecija at Batangas.

Muling maglalabasng rainfall warning ang PAGASA mamayang alas 2:00 ng hapon.