Dalawang giant cream dory nabingwit sa Pasig River

Sunud-sunod ang pagkakakuha ng malalaking isda sa Pasig River.

Kahapon dalawang giant cream dory fish ang nabingwit sa Ilog Pasig.

Ayon sa Pasig River Rehabilitation Commission (PRRC) ibinahagi sa kanila ni Michael Crudo ang larawan ng dalawang giant cream dory fish na nabingwit niya sa Pasig River.

Isa dito ay 11 kilo ang bigat at ang isa ay 17 kilo ang bigat.

Ang 11 kilo na cream dory ay inulam umano ng pamilya ni Crudo at ginawang sinigang sa miso.

Habang naibenta niya sa Dogonoy Market ang 17-kilogram na isda sa halagang P900.

Tuwing Linggo ay namimingwit sa Pasig River si Crudo at kadalasan umanong Imelda at Tilapya ang kaniyang nakukuha.

Kahapon ibinahagi din ng PRRC ang pagkakahuli sa giant hito na may bigat na 10-kilo.