1 sundalo patay, 2 pa sugatan sa engwkentro sa NPA sa Negros Occidental

Nasawi ang isang sundalo habang dalawang iba pa ang nasugatan sa engkwentro sa mga rebelde sa Himamaylan City, Negros Occidental.

Rumesponde sa lugar ang mga sundalo na pawang miyembro ng 62nd Infantry Battalion matapos na makatanggap sila ng sumbong na may mga armadong miyembro ng New People’s Army sa Barangay Buenavista.

Pero pagdating doon ng mga sundalo ay nakabakbakan nila ang mga rebelde sa bahagi ng Sitio Boyuron.

Nasawi sa naturang engwentro ang isang sundalo na may ranggong private first class at isang sergeant naman at isang corporal ang nasugatan.

Patuloy namang inaalam ng militar kung may nasugatan sapanig ng mga rebelde.

Nagsasagawa na rin ng hot pursuit operation sa mga tumakas na NPA.