August 12 idineklarang holiday bilang obserbasyon ng Eid’l Adha

Idineklarang regular holiday sa Lunes, August 12, 2019 sa buong bansa bilang obserbasyon ng Eid’l Adha.

Pahayag ito ni Senator Bong Go ayon umano kay Executive Secretary Salvador Medialdea Miyerkules ng gabi.

Ang Eid’l Adha o Feast Sacrifice ay isa sa mga mahalagang holidays ng mga Muslim.

Isa ito sa pangunahing pista na ipinagdiriwang ng mga Muslim sa buong mundo.

Ang Eid’l Adha ay patungkol sa kahandaan ni Ibrahim o Abraham na isakripisyo ang kanyang anak bilang pagtalima sa utos ng Diyos.

Ito rin ang nagsisilbing pagtatapos ng taunang pilgrimage ng mga Muslim sa Mecca.