Halos $48.7M na halaga ng heroin nakumpiska sa UK

Daan-daang kilo ng heroin ang nakumpiska ng mga otoridad sa United Kingdom.

Tinatayang aabot sa 40 million pounds o $48.7 million ang halaga ng mga nakumpiskang kontrabando.

Binalot ng twalya at bathrobes ang heroin at saka ipinadala sa isang shipping container.

Ayon sa National Crime Agency, patungong Antwerp ang kargamento.

Ang container ay nagsimulang maglayag sa bahagi ng Oman at may stop over sa sa iba pang mga lugar.

Isa ito sa pinakamalaking drug seizures sa United Kingdom.

Kinumpirma din ng NCA na may mga nadakip na sila bunsod ng nasabing krimen.