Tindahan tinupok ng apoy sa Antipolo City

Sumiklab ang sunog sa isang abandonado nang tindahan sa Antipolo City sa Rizal.

Nagsimula ang sunog alas 12:30 ng madaling araw ng Miyerkules (Aug. 7).

Umabot lang sa unang alarma ang sunog.

Ayon sa Bureau of Fire Protection (BFP) ng Antipolo City, isang palaboy ang umokupa sa abandonadong tindahan.

Dahil walang kuryente ay gumagamit lang ito ng kandila, at maaring iyon ang pinagmulan ng sunog.

Tinatayang aabot sa P5,000 ang halaga ng pinsala ng sunog na naideklarang fire out ala 1:13 ng madaling araw.