M4.2 na lindol yumanig sa Antique

Niyanig ng magnitude 4.2 na lindol ang Antique, alas-7:18 ng gabi ng Martes.

Ayon sa Phivolcs, ang episentro ng lindol ay sa layong 34 kilometro Timog-Kanluran ng bayan ng Laua-an.

May lalim ang pagyanig na isang kilometro at tectonic ang pinagmulan.

Naitala ang Intensity III sa Laua-an, habang Intensity II naman sa Patnongon at Barbaza, Antique.

Instrumental Intensity II ang naitala sa Culasi, Antique habang Instrumental Intensity I sa San Jose de Buenavista, Sebaste at Valderrama sa Antique at sa Malinao, Aklan.

Hindi naman nagdulot ng pinsala sa mga ari-arian ang pagyanig at wala ring inaasahang aftershocks.