Kaso laban sa WellMed ibinasura ng korte

Ibinasura ng Quezon City Regional Trial Court ang kasong inihain laban sa may-ari at ilang empleyado ng WellMed Dialysis and Laboratory Center.

Ito ay kaugnay sa umano’y ghost dialysis claims ng Philippine Health Insurance Corporation (PhilHealth).

Sa labing-apat na pahinang desisyon, sinabi ni Quezon City RTC Branch 19 Presiding Judge Janet Abergos-Samar na ibinasura ang kaso dahil sa kakulangan ng hurisdiksyon.

Nakasaad pa sa dokumento na naihain ang kaso sa maling korte.

Sinabi ni Abergos-Samar na dapat munang isagawa ang pagdinig sa Metropolitan Trial Court ng Quezon City.

Nilinaw naman ng korte na ang pagbabasura sa kaso ay walang kinalaman sa pagiging guilty o inosente ng mga akusado.