Inabisuhan ng Philippine Consulate sa Hong Kong ang mga Pinoy na huwag magsuot ng itim at puting damit.
Ito ay dahil sa nagpapatuloy na kaliwa’t kanang kilos-protesta sa nasabing lugar.
Sa kanilang Facebook account ay nagbabala ang Konsulado ng Pilipinas sa Hong Kong sa mga Pinoy na iwasang magsuot ng itim o puting damit para makaiwas sa kaguluhan.
Nakatanggap anila sila ng ulat ukol sa mga protesta ngayong araw sa mga sumusunod na lugar:
– Tamar Park sa Admiralty
– Sha Tin Town Hall Plaza
– Tuen Mun Park
– Discovery Park sa Tsuen Wan
– Wong Tai Sin Square
– MacPherson Playground sa Mong Kok
– Kwong Fuk Football Park sa Tai Po
Sakaling mangailangan ng tulong, maari anilang tumawag sa mga numerong 9155-4023 sa para Consular Assistance, 6165-2406 sa POLO at 6345-9324 sa OWWA