Agad na naaresto sa kanyang bahay ang suspek na kinilalang si Jay Dalumpiness, 43 anyos at isang freelance photographer na residente ng Barangay Ibabao.
Natukoy ang tirahan ni Dalumpines makaraang tuntunin ang plate number ng sasakyan na nakabangga sa trisikad o pedicab na minamaneho ni Brigido Torniado, 47 anyos sa Barangay Pilipog linggo ng madaling araw.
Ayon sa ulat, ihahatid sana ni Torniado ang kanyang misis na si Marilou sa palengke nang mabunggo ng Honda Civic na minamaneho ni Dalumpines pero mabilis itong umalis sa halip na tumigil para tulungan ang mga biktima.
Sa lakas ng impact ay tumilapon si Torniado at nahagip ng isa pang sasakyan.
Isinugod pa sa Vicente Sotto Memorial Medical Center ang biktima pero idineklara itong dead-on-arrival.
Apat katao pa ang sugatan sa insidente.
Samantala, nabatid na lango sa alak si Dalumpines at walang dalang lisensya ng mangyari ang trahedya.
Nahaharap ang photographer sa kasong reckless imprudence resulting into homicide, multiple physical injuries and damage to property.