Halos 8,000 pamilya naapektuhan ng pagbaha sa Bataan

Nasa 8,000 pamilya ang naapektuhan ng pagbaha na naranasan sa 7 bayan sa lalawigan ng Bataan kasunod ng malalakas na pag-ulan.

Sa report ng Provincial Disaster Risk Reduction and Management Office (PDRRMO), humupa na ang pagbaha sa maraming lugar maliban sa ilang barangay gaya ng Almacen, Daungan at Pulo sa bayan ng Hermosa.

Umabot hanggang limang talampakan ang naranasang tubig baha sa 11 barangays ng Hermosa, 5 barangays sa Dinalupihan, 3 sa Pilar, 2 sa Abucay at tig-isang barangay sa Balanga, Orion at Morong.

Samantala, nagkabit na ng temporary bridge matapos masira ang tulay sa Sibacan River sa Balanga City.