Civil Service Examination, itinuloy sa kabila ng mga pag-ulan

Ipinagpatuloy ng Civil Service Commission (CSC) ang nakatakdang Civil Service Examination ngayong araw sa kabila ng mga pag-ulan.

Ang August 4, 2019 Career Service Examination Pen and Paper Test o CSE-PPT ay gaganapin sa sa buong bansa.

Sa National Captical Region (NCR), naitala ang 60,000 examinees sa tatlong testing centers sa kalakhang Maynila.

Inaasahan naman na nasa 276,800 na katao ang mag-eexam sa buong bansa ngayong araw.

243,800 sa mga ito ay kumuha ng Professional CSE-PPT habang 33,000 ay nagsulit sa Sub-Professional CSE-PPT.

Alas 7:30 ng umaga nagsimula ang pagsusulit na maaaring tatagal ng nasa tatlo hanggang limang oras.